fbtw
11 oct




Eyte l’inrelyon de na seri documèntéra que gnion n’a ‘co fèt chu la piaa de na lèngua sovèn lécha tâ lé é de viazho que ya ‘co vietenia mè tozho vivanta p’lo payis de Savoué : l’Arpetan Savoyen. Apoé vos, devejé-voz patué ?.

I’an bo dire que èn France yé èn Savoué que l’Arpetan a restâ lo pi dru…. Yé toton pa pè dire mè ul’pa tan farò. La Lèngua Savoyârda, pas més na lèngua de tui lo zhor, l’é fran apré ptafenâ. Avoué lyé, yé on bocon de keulteura, na vijon du mondo que môdon èn brëgo. Prezhia à gnion cèn du cârro peblecco, lo patué s’t accarâ èn quôque famelye, èn quôque velazho, èn quôque sochétâ de pachonâ é pè bravamèn de zhèn yé poué pri que na sovenance.

Mè dey quôque tems, è s’emushe na brise, l’Arpetan s’t abadâ dèchu la Teyla é figurâ-vo que é’n’a mémo que lo voulyon apprende ! Cella seri documèntéra de la Voix des Allobroges vos èmmande chu la piaa vivanta que cella lèngua chu lo balan l’a lécha p’ lo territouéro. Modâ don avoué no à l’Espéraz de cello que mantegnon adé yora lo Savoyen qu’u lo nomàn patué, arpetan u francoprovençal.

Adòn tegni-vo prèsto pè cho randévou !

Avéta chu la Voué




5 938 commentaires