fbtw
22 oct




A l’espéraz, no s-an trovâ la piaa de la lènga diè on blog dèchu la téila « L’tin shi no – Météo en patois francoprovençal (Arpitan) », chô de Lionel Fontannaz, ion que’l’é grou instrui dièn le niëlle, la pléve é lo sèleu.

Preziér du tèn que fâ, que vé fare, démàn, la semanna que vén… i quôquérèn que conte dien la via du s-ommo, paa ! Sénpla manîre de s’arcontrâ ubèn veretâbla informachòn balyà, du tèn depèndyon le s-ativité quotidianne, selle du campagnâr tocmèn selle du velatsu : sèye sèye pa, môda colatâ, résta à mayson ?

Tot sèn-tsé, Lionel ô y a bièn conpréi é dey quoque méi, u no bàlye le previjon du tèn del Arpitanià én patué chu son blog. Par lyui, i na manîre utila de manteni poué-t-onco developâ l’usazo del arpetàn que yé fran apré se pédre dièn lo payi é dien sa famëlye avou !

N’inichativa que’l’é tan bôna, que la Voix l’é allâ trovâ tanqu’à Zenéva dièn lo bâtemèn del « Office Mondial de la Météo » (OMM), onte que chô météorològo de profechòn é patuéjàn de cor é d’ârma nos a recheu sen fâre de gôgne.

Gramassi à té Lionnel.

Avéta chu la Voué



To Top