fbtw
27 jan




Qôqu’an fé de cèn, Marcus – ion qu’on’bièn enchon – drè rdui de la Gâraz, pe voz o dire na brize : la Gâraz i lé que no van s’abérâ quant’i que la sè de se trova no prèn ; adon pe nen revini à cho baban de Marcus, plantoz devan mè, na mita intredeut, u me di « Chrichtoz ! sâ-toz pa la darire ? Eben en Savoye vecca mé ioraz que no devezen Arpitan , i marcâ diè l’Do Bé ! lo Dô-bé vo coneché tui, pa nen fôtaz d’esplecachon !


Eben mè, dioz tot comen Marcus que s’i marcâ diè l’Dôbé i ben que i vré, pâ !


Çti mè de Settembre passâ, chu l’prâ de fire de la Féta du Patué Francoprovensâ de Regnî, loz que se dion Arpetan u‘tan tché darri na bantse a bagâ la vilye lènga de no e soz « produits dérivés ». A çt ‘ura de la via, dien çti tem de gran descor que sonnon lo cavan , ioraz que lez apelachon vâlyon fè qu’ia mé que la marchandi, lu l’an pa de blan u ju a repinta noutre vilye mode a la coleu del arpitania !


Eben vè-voz apré tot é tot parè n’impourta comen que fisse, pèquè na !?

Avéta chu la Voué



To Top