fbtw
14 fév




Tui loz an quant é tôrne lo mè de Stembre, tôrne la Féta du patwé. Lo Dessandzoz, descor de benvenia, parlèzon, espozichon, premenâde pè le rué , na vouére de viourna, danses é balourye… Poué la diemènze, porsechon pè la gran tsarrîre du veladzo, lé apré la messa, van defelâ on moué de mondo costeumâ, trèinaré uben saoutaré, ma, tui crâno de porta drè yôt la bandîre de lu veladzo, valâ, sochétâ. Lé, se trôvon chlo que mârçonz chlo que aguétonz, chloz que bardzacconz, chloz que atyutonz, chlo que riyonz chlo que pluronz…


Chla Diemènze chu la plasse de l’eglièse de Regnî, én aguetèn lo mondo tot a n-on moué , d’é ayu na revélachon : chla féta tché, i la soletta manifestachon que réste de noutron carro linguistickoz , de noutra moda anchènna. Lo mondo son itché p’ena comegnòn conchenta u na, p’on témognadzo d’appartenanse a noutra queulteura savoyennaz campagnârdaz montagnardaz é a sa lènguaz, lo mâ nomâ francoprovensâ.

Pe o dire tot aplan chla Féta du patwé i pa ren âtroz que lo « Pow Wow de la comunotâ arpetannaz », « the Arpitan Pride » alô lo co que vin, i lé qué no fô tui ala !

Avéta chu la Voué



To Top